ye na thii hamaarii qismat ke visaal-e-yaar hotaa
	
	
	ye na thii hamaarii qismat ke visaal-e-yaar hotaa
	agar aur jiite rahate yahii intazaar hotaa
	
	tere vaade par jiye ham to ye jaan jhuuTh jaanaa
	ke Khushii se mar na jaate agar aitabaar hotaa
	
	terii naazukii se jaanaa ki ba.Ndhaa thaa ahd_bodaa
	kabhii tuu na to.D sakataa agar ustavaar hotaa
	
	koii mere dil se puuchhe tere tiir-e-niimakash ko
	ye Khalish kahaa.N se hotii jo jigar ke paar hotaa
	
	ye kahaa.N kii dostii hai ke bane hai.n dost naaseh
	koii chaaraasaaz hotaa, koii Gam_gusaar hotaa
	
	rag-e-sang se Tapakataa wo lahuu ki phir na thamataa
	jise Gam samajh rahe ho ye agar sharaar hotaa
	
	Gam agarche jaa.N_gusil hai, pe kahaa.N bache.n ke dil hai
	Gam-e-ishq gar na hotaa, Gam-e-rozagaar hotaa
	
	kahuu.N kis se mai.n ke kyaa hai, shab-e-Gam burii balaa hai
	mujhe kyaa buraa thaa maranaa agar ek baar hotaa
	
	hue mar ke ham jo rusavaa, hue kyo.N na Garq-e-dariyaa
	na kabhii janaazaa uThataa, na kahii.n mazaar hotaa
	
	use kaun dekh sakataa ki yaganaa hai wo yaktaa
	jo duii kii buu bhii hotii to kahii.n do chaar hotaa
	
	ye masaail-e-tasavvuf, ye teraa bayaan 'Ghalib'
	tujhe ham walii samajhate, jo na baadaa_Khvaar hotaa 
	
	
	
	koii ummiid bar nahii.n aatii
	
	
	koii ummiid bar nahii.n aatii
	koii suurat nazar nahii.n aatii
	
	maut kaa ek din mu'ayyaa.N hai
	nii.nd kyo.n raat bhar nahii.n aatii
	
	aage aatii thii haal-e-dil pe ha.Nsii
	ab kisii baat par nahii.n aatii
	
	jaanataa huu.N savaab-e-taa'at-o-zahad
	par tabiiyat idhar nahii.n aatii
	
	hai kuchh aisii hii baat jo chup huu.N
	varna kyaa baat kar nahii.n aatii
	
	kyo.n na chiiKhuu.N ki yaad karate hai.n
	merii aavaaz gar nahii.n aatii
	
	daaG-e-dilagarnazar nahii.n aata
	buu bhii ai chaaraagar nahii.n aatii
	
	ham vahaa.N hai.n jahaa.N se ham ko bhii
	kuchh hamaarii Khabar nahii.n aatii
	
	marate hai.n aarazuu me.n marane kii
	maut aatii hai par nahii.n aatii
	
	kaabaa kis muu.Nh se jaaoge 'Ghalib'
	sharm tumako magar nahii.naatii 
	
	
	
	Main unhain chor doon aur kuch na kahay
	
	
	mai.n u.nhe.n chhe.Duu.N aur kuch na kahe.n
	chal nikalate jo mai piye hote
	
	qahar ho yaa balaa ho, jo kuchh ho
	kaash ke tum mere liye hote
	
	merii qismat me.n Gam gar itanaa thaa
	dil bhii yaa rab kaii diye hote
	
	aa hii jaataa vo raah par 'Ghalib'
	koii din aur bhii jiye hote 
	
	
	
	
	na huii gar mere marane se tasallii na sahii
	
	
	na huii gar mere marane se tasallii na sahii
	imtihaa.N aur bhii baaqii ho to ye bhii na sahii
	
	Khaar-Khaar-e-alam-e-hasarat-e-diidaar to hai
	shauq gulachiin-e-gulistaan-e-tasallii na sahii
	
	may parastaa.N Khum-e-may muu.nh se lagaaye hii bane
	ek din gar na huaa bazm me.n saaqii na sahii
	
	nafaz-e-qais ke hai chashm-o-charaaG-e-saharaa
	gar nahii.n shama-e-siyahaKhaanaa-e-lailaa na sahii
	
	ek ha.ngaame pe maukuuf hai ghar kii raunak
	noh-e-Gam hii sahii, naGmaa-e-shaadii na sahii
	
	na sitaaish kii tamannaa na sile kii parawaah
	gar nahii.n hai mere ashaar me.n maane na sahii
	
	isharat-e-sohabat-e-Khubaa.N hii Ganiimat samajho
	na huii "Ghalib" agar umr-e-tabii_ii na sahii 
	
	
	
	na thaa kuchh to Khudaa thaa, kuchh na hotaa to Khudaa hotaa
	
	
	na thaa kuchh to Khudaa thaa, kuchh na hotaa to Khudaa hotaa
	Duboyaa mujh ko hone ne, na hotaa mai.n to kyaa hotaa
	
	huaa jab Gam se yuu.N behis to Gam kyaa sar ke kaTane kaa
	na hotaa gar judaa tan se to zaa.Nno.n par dharaa hotaa
	
	huii muddat ke 'Ghalib' mar gayaa par yaad aataa hai
	wo har ek baat pe kahanaa ke yuu.N hotaa to kyaa hotaa